[Ellie Herbst]
Ek het hoop
Al is ek pessimisties
Al lag ek wanneer ek eintlik wil huil
Al is ek moeg geveg
Al voel ek lam
Het ek hoop as ek na jou kyk
Jy’t bloed op jou knieë
Stof op jou hande
Maar vuur in jou oë
En jy stap verder
Hoop
Is ’n besluit om aan te hou stap
Om aan te hou swoeg
en sweet
Aan te hou steun
en kreun
Want jy gaan nie toelaat
Dat die wêreld jou breek nie
As daar ander mense in die wêreld is soos jy
En ek hoop daar is
Kan dit nie so erge plek wees nie
En as jy in my toekoms is
Hoe bleek kan dit werklik wees?
Ellie Herbst
Ellie is die gr. 9-leerder wat sportdae met ‘n hoop boeke op die pawiljoen deurbring. Haar kop is in die wolke, maar haar voete is stewig op die grond geplant. Sy hoop om eendag ‘n kinderboekskrywer of joernalis te word.
Lees ook