[Annelize Jonck]
Hierdie vinnige en maklike plaatkoekies is perfek vir besige oggende, laatmiddag-honger of ’n gesellige naweek-ontbyt. Met eenvoudige bestanddele wat jy reeds in jou kombuis het, kan jy binne minute sagte, goudbruin plaatkoekies op die tafel hê. Dis ’n veelsydige resep wat oud en jonk sal geniet!
(Lewer 25-30 plaatkoekies)
Bestanddele
- 2 eiers
- 125 ml suiker
- 250 ml melk
- 30 ml olie
- 500 ml meelblom
- 30 ml bakpoeier
- 2,5 ml sout
Instruksies
- Klits al die bestanddele saam om die deeg te vorm.
- Skep ‘n lepel vol deeg op ‘n gesmeerde warm stoofplaat.
- Bak eers die een kant en sodra die bokant vol lugborrels is, draai met ‘n eierspaan om en bak die plaatkoekies aan die ander kant tot hulle bruin en uitgerys is.
- Sit met bessies en heuning voor.
Wenk
Nadat al die bestanddele saamgeklits is, laat die mengsel vir 5 – 10 minute staan.
Dit verseker dat die plaatkoekies heerlik lig en mooi uitgerys is en maak genoeg om die hele gesin gelukkig te hou. Bedien dit warm met vars bessies, heuning, stroop of konfyt en steel die kollig by enige tafel.
Annelize Jonck
Annelize is ‘n graad 10-leerder met ’n groot liefde vir kosmaak en kreatiwiteit in die kombuis. Sy geniet dit om nuwe resepte te probeer en haar passie met ander te deel.